அரசியல் சாசன அமைப்புகள் வரம்புகளைக் கடைப்பிடிப்பது அவசியம்

ஜகதீப் தன்கர் வலியுறுத்தல்

- 

லக்னோ, மே 1: 'அரசியல் சாசன அமைப்புகள் அவற்றின் வரையறுக்கப்பட்ட வரம்புகளைக் கடைப்பிடிப்பது அவசியமானது' என்று குடியரசு துணைத் தலைவர் ஜகதீப் தன்கர் வியாழக்கிழமை வலியுறுத்தினார்.

மேலும், ஒவ்வொரு அரசியல் சாசன அமைப்புகளும் அதன் அதிகார வரம்புக்குள் இருக்கும்போது மட்டுமே அவற்றுக்கிடையே பரஸ்பர மரியாதை உறுதி செய்யப்படும் என்றும் அவர் கூறினார்.

தமிழக ஆளுநரால் நிறுத்தி வைக்கப்பட்டிருந்த 10 சட்டமசோதாக்களுக்கு ஒப்புதல் அளித்தது, அண்மையில் மத்திய அரசு கொண்டு வந்த வக்ஃப் திருத்தச் சட்டம் தொடர்பான வழக்கில் பிறப்பித்த இடைக்கால உத்தரவு உள்ளிட்ட விவகாரங்களைத் தொடர்ந்து உச்சநீதிமன்றம் மீது குடியரசு துணைத் தலைவர் ஜகதீப் தன்கர் மீண்டும் கடும் விமர்சனங்களை முன்வைத்துள்ளார்.