தமிழகத்தில் பயன்பாடில்லா சில சுரங்கங்களை மீட்டெடுப்பதில் சிக்கல்

தமிழ்நாட்டில் பயன்பாடு இல்லாத சில சுரங்கங்களை மீட்டெடுப்பதில் சிக்கல் நிலவுவதாக மாநில திட்டக் குழு ஆய்வறிக்கையில் தெரிவிக்கப்பட்டுள்ளது.

- 

சென்னை, ஜூலை 7:

சுரங்கங்களை மீட்டெடுப்பது, குழந்தைகளின் ஊட்டச்சத்தில் உள்ள முக்கிய சவால்கள் உள்பட நான்கு முக்கிய செயல் திட்டங்கள் தொடர்பான அறிக்கைகளை மாநில திட்டக் குழு தயாரித்தது. அவை தலைமைச் செயலகத்தில் முதல்வர் மு.க.ஸ்டாலிடம் திங்கள்கிழமை அளிக்கப்பட்டது.

இந்த ஆய்வறிக்கைகளில் உள்ள முக்கிய அம்சங்கள் குறித்து, மாநில அரசு சார்பில் வெளியிடப்பட்ட செய்திக் குறிப்பு:

தமிழ்நாட்டில் உள்ள 3 ஆயிரத்துக்கும் மேற்பட்ட சுரங்கங்கள் வரைபடங்களாக்கப்பட்டு அவற்றில் மாதிரி தேர்வு முறையின் அடிப்படையில் 40 சுரங்கங்கள் ஆய்வுக்கு எடுக்கப்பட்டன.

அவற்றின் மண்ணின் தரம், நீர் இருப்பு, நிலைத்தன்மை, சுற்றுச்சூழல் போன்றவை ஆய்வு செய்யப்பட்டன.