ஜிஎஸ்டிதான் இந்தியாவை வலுவான கட்டமைப்பாக உருவாக்கியுள்ளது

சரக்கு மற்றும் சேவை வரிதான் இந்தியாவை வலுவான கட்டமைப்பாக உருவாக்கியுள்ளது என்று மகாராஷ்டிர மாநில ஆளுநர் சி.பி.ராதாகிருஷ்ணன் கூறினார்.

- 

கோவை, ஜூலை 1:

சரக்கு மற்றும் சேவை வரி (ஜிஎஸ்டி) தினம் கோவை, பீளமேடு பகுதியில் உள்ள ராமகிருஷ்ணா கல்லூரி கூட்டரங்கில் செவ்வாய்க்கிழமை நடைபெற்றது.

இக்கூட்டத்துக்கு ஜிஎஸ்டி மற்றும் மத்திய கலால் வரி முதன்மை ஆணையர் தினேஷ் பங்கர்கர் தலைமை வகித்தார்.

மகாராஷ்டிர மாநில ஆளுநர் சி.பி.ராதாகிருஷ்ணன் சிறப்பு விருந்தினராக கலந்துகொண்டு பேசியதாவது: கோவை மண்டலத்தைப் பொருத்தவரை ரூ.3 ஆயிரம் கோடி ஜிஎஸ்டி செலுத்தப்பட்டுள்ளது. இது இங்குள்ள தொழில் நிறுவனங்கள் மற்றும் தொழிலாளர்களின் சாதனை. நேர்மையாக வரி செலுத்துவோரை அரசு பாராட்ட வேண்டும்.