4 துறைகளுக்கான செயல்பாட்டு அறிக்கைகள்: முதல்வரிடம் அளித்தது மாநில திட்டக் குழு

வாகன உற்பத்தியில் புதிய உத்திகளைப் பின்பற்றுவது உள்பட நான்கு துறைகளுக்கான செயல்பாட்டு அறிக்கைகளை முதல்வர் மு.க.ஸ்டாலினிடம் மாநில திட்டக் குழு அளித்தது.

- 

சென்னை, ஜூன் 9: இதற்கான நிகழ்வு தலைமைச் செயலகத்தில் திங்கள்கிழமை நடைபெற்றது.

இதுகுறித்து, தமிழக அரசு சார்பில் வெளியிடப்பட்ட செய்திக் குறிப்பு:

வேளாண் சாராத வேலை:

தமிழ்நாட்டில் அதிக மற்றும் குறைந்த வேளாண் சாராத பணிகளைக் கொண்ட 12 மாவட்டங்களைச் சேர்ந்த கிராமங்கள் கண்டறியப்பட்டன.

இந்த கிராமங்களில் நடத்தப்பட்ட ஆய்வில், வேளாண் பணிகளிலிருந்து அதிகளவில் வேறு துறைகளுக்கு மாறும் நிலை காணப்படுகிறது. கட்டடம், உற்பத்தித் துறைகள் போன்ற வேளாண் சாராத துறைகளில் ஈடுபடும் தொழிலாளர்களின் எண்ணிக்கை அதிகரித்துள்ளது.