நாளை 10-ஆம் வகுப்பு தேர்வு முடிவுகள்

3 நாள்கள் முன்கூட்டியே வெளியாகிறது

- 

சென்னை, மே 14: தமிழகத்தில் மாநிலப் பாடத் திட்டத்தில் கடந்த மார்ச், ஏப்ரல் ஆகிய மாதங்களில் நடைபெற்ற பத்தாம் வகுப்பு, பிளஸ் 1 பொதுத் தேர்வு முடிவுகள் மே 19-ஆம் தேதி வெளியாகும் என அறிவிக்கப்பட்டிருந்த நிலையில், தற்போது மூன்று நாள்கள் முன்னதாக வெள்ளிக்கிழமை (மே 16) வெளியிடப்படும் என அறிவிக்கப்பட்டுள்ளது.

தேர்வு முடிவுகளை பள்ளிக் கல்வித் துறை அமைச்சர் அன்பில் மகேஸ், சென்னை பள்ளிக் கல்வி வளாகத்தில் வெளியிடவுள்ளார்.

கடந்த மார்ச் 28 முதல் ஏப்.15-ஆம் தேதி வரை பத்தாம் வகுப்பு பொதுத் தேர்வு நடைபெற்றது. இந்தத் தேர்வை 12,480 பள்ளிகளில் பயின்ற 4,46,411 மாணவர்கள், 4,40,465 மாணவிகள், 25,888 தனித் தேர்வர்கள் மற்றும் 272 சிறைவாசிகள் என 9,13,036 பேர் எழுதினர்.