தில்லியே திரும்பிப் பார்க்கும் அரசு மாதிரிப் பள்ளி

தில்லியே திரும்பிப் பார்க்கும் வகையில், அரசு மாதிரிப் பள்ளி அமைந்திருப்பதாக தமிழக முதல்வர் மு.க. ஸ்டாலின் பெருமிதம் தெரிவித்துள்ளார்.

- 

திருச்சி, மே 8:

திருச்சி துவாக்குடியில் ரூ.57.47 கோடி மதிப்பில் உண்டு-உறைவிட வசதியுடனான மாவட்ட அரசு மாதிரிப் பள்ளியை முதல்வர் மு.க. ஸ்டாலின் வியாழக்கிழமை திறந்துவைத்தார்.

அரசுப் பள்ளிகளின் கல்வித் தரத்தை உயர்த்த தமிழக அரசு பல முன்மாதிரி திட்டங்களை செயல்படுத்தி வருகிறது.

இதன் ஒருபகுதியாக, மாவட்டத்துக்கு ஒன்று என 38 மாதிரிப் பள்ளிகள் உண்டு-உறைவிடப் பள்ளிகளாக அமைக்கப்பட்டு செயல்பட்டு வருகின்றன.