திருமலை பிரம்மோற்சவ கருடசேவை: திரளானோர் தரிசனம்

திருப்பதி, செப்.28: திருமலையில், ஏழுமலையான் பிரம்மோற்சவத்தின், 5-ஆம் நாளான ஞாயிற்றுக்கிழமை காலை மோகினி அவதாரத்தில் மலையப்ப சுவாமி சேவை சாதித்தார். இரவு நடைபெற்ற கருடசேவையில் திரளான பக்தர்கள் தரிசனம் செய்தனர்.

- 

கடந்த புதன்கிழமை முதல் பிரம்மோற்சவம் தொடங்கி நடைபெற்று வருகிறது. 5-ஆம் நாளான ஞாயிற்றுக்கிழமை காலை மோகினி அவதார சேவை நடைபெற்றது. அதில் மலையப்ப சுவாமி தாயாரின் அலங்காரத்தில் மாட வீதியில் வலம் வந்தார்.

ஸ்ரீவில்லிப்புத்தூர் ஆண்டாள் சூடிக்கொடுத்த மாலையை அணிந்து கொண்டு பச்சை கிளிகளை கையில் பிடித்துக் கொண்டு வலம் வந்த சுவாமிக்கு பக்தர்கள் கற்பூர ஆரத்தி அளித்து வணங்கினர்.

பிரம்மோற்சவ நாட்களில் வீதியுலா முடிந்த பின்னர் ஸ்ரீதேவி பூதேவி சமேத மலையப்பஸ்வாமிக்கு கல்யாண உற்சவ மண்டபத்தில் தங்க சிம்மாசனத்தில் அமர வைத்து அவர்களுக்கு பால், தயிர், தேன். இளநீர், மஞ்சள், சந்தனம், சிவப்பு சந்தனம் மற்றும் மூலிகை கலந்த வெந்நீரால் திருமஞ்சனம் நடைபெற்றது.