மாநிலங்களவையில் 56 மணிநேரம் வீண்

நாடாளுமன்றம் தொடர்ந்து முடக்கம்

- 

புது தில்லி, ஆக. 8: பிகார் வாக்காளர் பட்டியல் சிறப்பு தீவிர திருத்தம் குறித்து விவாதம் கோரி, நாடாளுமன்றத்தில் எதிர்க்கட்சிகள் வெள்ளிக்கிழமையும் கடும் அமளியில் ஈடுபட்டன. இதனால், இரு அவைகளும் வழக்கமான அலுவல்கள் ஏதுமின்றி முடங்கின.

நடப்பு மழைக்கால கூட்டத்தொடர் கடந்த ஜூலை 21-ஆம் தேதி தொடங்கிய நிலையில், ஓரிரு நாட்களைத் தவிர, மூன்றாவது வாரமாக முடக்கம் தொடர்ந்தது. மாநிலங்களவையில் இடையூறுகளால் 56 மணி 49 நிமிஷம் வீணாகியுள்ளது.