கோவையில் சட்டப் பேரவை மதிப்பீட்டுக் குழு ஆய்வு

கோவையில் தமிழ்நாடு சட்டப் பேரவை மதிப்பீட்டுக் குழுவினர் வியாழக்கிழமை ஆய்வு நடத்தினர்.

- 

கோவை, ஜூலை 17:

கோவையில் பல்வேறு அரசுத் துறைகள் தொடர்பான ஆய்வுக்காக பேரவை மதிப்பீட்டுக் குழுவின் தலைவர் எஸ்.காந்திராஜன் எம்.எல்.ஏ தலைமையிலான குழுவினர், எம்.எல்.ஏக்கள் சேவூர் ராமச்சந்திரன், பி.ஆர்.ஜி. அருண்குமார், கருமாணிக்கம், மா.சின்னதுரை, எஸ்.சுதர்சனம், எஸ்.பி.வெங்கடேஷ்வரன் ஆகியோர் வந்திருந்தனர்.

இந்தக் குழுவினர், கோல்டுவின்ஸ் முதல் உப்பிலிபாளையம் வரை அவிநாசி சாலையில் ரூ.1,621 கோடி மதிப்பில் கட்டப்பட்டு வரும் மேம்பாலம், மத்திய சிறையில் கைதிகளின் கூடம், சிறைச்சாலையில் உள்ள பெட்ரோல் விற்பனை நிலையம், சிறைவாசிகள் உற்பத்தி செய்யும் துணிகள், எண்ணெய் வகைகள், சிறைவாசிகளுக்கான கல்வி மையம், நூலகம் ஆகியவற்றை ஆய்வு செய்தனர்.