பிகார் வாக்காளர் பட்டியல் உச்சநீதிமன்றத்தில் ஏடிஆர் எதிர்த்து மனு

பிகார் மாநிலத்தில் தேர்தல் ஆணையம் மேற்கொண்டு வரும் வாக்காளர் பட்டியல் சிறப்பு தீவிர திருத்தப் பணிக்கு எதிராக ஜனநாயக சீர்திருத்தத்துக்கான சங்கம் (ஏடிஆர்) சார்பில் உச்சநீதிமன்றத்தில் சனிக்கிழமை மனு தாக்கல் செய்யப்பட்டது.

- 

புது தில்லி, ஜூலை 5:

வாக்காளர் பட்டியல் சிறப்பு தீவிர திருத்தம் தொடர்பான தேர்தல் ஆணைய உத்தரவை ரத்து செய்ய வேண்டும் என அந்த மனுவில் ஏடிஆர் கோரியுள்ளது.

பிகாரில் நிகழாண்டு இறுதியில் பேரவைத் தேர்தல் நடைபெற உள்ள நிலையில், தேர்தல் ஆணையம் இந்த நடவடிக்கையை மேற்கொண்டுள்ளது. இதற்கு எதிர்க்கட்சிகள் கடும் எதிர்ப்பு தெரிவித்தன. தீவிர திருத்தம் என்ற பெயரில், மாநில தேர்தல் அதிகாரிகளின் உதவியுடன் குறிப்பிட்ட பிரிவு வாக்காளர்கள் வேண்டுமென்றே பட்டியலில் இருந்து நீக்கப்படும் அபாயம் உள்ளது என்று அவர்கள் தெரிவித்தனர்.