உச்சநீதிமன்றம் அமைத்த வனச் சட்ட ஆலோசனைக் குழுவுக்கு எதிர்ப்பு

சுற்றுச்சூழல் சார்ந்த, வனப் பாதுகாப்பு திருத்தச் சட்டம் 2023-க்கு எதிரான வழக்குகளில் ஆலோசனை வழங்க உச்சநீதிமன்றத்தால் நியமிக்கப்பட்ட மத்திய அதிகாரமளிக்கப்பட்ட குழுவுக்கு (சிஇசி) எதிர்ப்புத் தெரிவித்து, ஓய்வு பெற்ற அரசு உயர் அதிகாரிகள் 60 பேர் கொண்ட குழு உச்சநீதிமன்றத் தலைமை நீதிபதி பி.ஆர். கவாய்க்கு கடிதம் எழுதியது.

- 

புது தில்லி, ஜூலை 2:

அதில் கூறியிருப்பதாவது: கடந்த 2002-ஆம் ஆண்டு அமைக்கப்பட்ட மத்திய அதிகாரமளிக்கப்பட்ட குழு சமநிலையில் இருக்கும் வகையில் உறுப்பினர்கள் இடம்பெற்றிருந்தனர். 2023-ஆம் ஆண்டு வரை இதே நிலை நீடித்தது. அதாவது, அரசு சார்ந்த நிபுணர்கள் மட்டுமின்றி, ஒரு வன உயிரின நிபுணர், உச்சநீதிமன்ற வழக்குரைஞர் ஒருவர் என தனி உறுப்பினர்கள் இருவர் இடம்பெற்றனர்.