பூவை ஜெகன்மூர்த்தி எம்எல்ஏவுக்கு உயர்நீதிமன்றம் கடும் கண்டனம்

திருவள்ளூர் மாவட்டத்தில் சிறுவன் கடத்தப்பட்ட வழக்கில் புரட்சி பாரதம் கட்சித் தலைவரும், சட்டப்பேரவை உறுப்பினருமான பூவை ஜெகன்மூர்த்திக்கு சென்னை உயர்நீதிமன்றம் கடும் கண்டனம் தெரிவித்தது.

- 

சென்னை, ஜூன் 16:

திருவள்ளூர் மாவட்டம், களம்பாக்கம் பகுதியைச் சேர்ந்த இளைஞர் தனுஷ், தேனியைச் சேர்ந்த பெண்ணை காதலித்து பதிவுத் திருமணம் செய்துகொண்டார். பெண் வீட்டாருக்கு ஆதரவாக தனுஷின் தம்பியை ஒரு கும்பல் கடத்தியது. இதில், கே.வி.குப்பம் தொகுதி எம்.எல்.ஏ. ஜெகன்மூர்த்திக்கு தொடர்பு இருப்பதாக புகார் எழுந்தது.

இந்த வழக்கில் முன்ஜாமீன் கோரி பூவை ஜெகன்மூர்த்தி தாக்கல் செய்த மனு சென்னை உயர்நீதிமன்ற நீதிபதி வேல்முருகன் முன் திங்கள்கிழமை விசாரணைக்கு வந்தது.

அப்போது, ஜெகன்மூர்த்தி தரப்பில் ஆஜரான வழக்குரைஞர், காவல் துறை உள்நோக்கத்துடன் இந்த வழக்கை பதிவு செய்துள்ளது. சட்டப்பேரவை உறுப்பினர் ஜெகன்மூர்த்தி எந்த தவறும் செய்யவில்லை. அதனால் முன் ஜாமீன் வழங்க வேண்டும் என கேட்டுக் கொண்டார்.