பெண் உயிரிழந்த வழக்கில் திருப்பம்: மருத்துவர் கைது

சென்னை கொடுங்கையூரில் பெண் உயிரிழந்த வழக்கில் மருத்துவர் கைது செய்யப்பட்டார்.

- 

சென்னை, ஜூன் 7:

திருச்சியைச் சேர்ந்தவர் நித்யா(26). இவரும், சென்னை கொடுங்கையூர் வெங்கடேஷ்வரா காலனி 6-ஆவது தெருவைச் சேர்ந்த பாலமுருகன் என்பவரும் கடந்த 8 மாதங்களாக காதலித்து வந்ததாகக் கூறப்படுகிறது. இருவரும் திருமணம் செய்து கொள்ளாமல் கொடுங்கையூர் ஆசிரியர் காலனி 5-ஆவது தெருவில் ஒரு வாடகை வீட்டில் 2 மாதங்களாக வாழ்ந்து வந்தனர்.

இந்த நிலையில், கடந்த வியாழக்கிழமை வீட்டில் நித்யா மர்மமான முறையில் இறந்துவிட்டார். இது குறித்து கொடுங்கையூர் போலீஸார் வழக்குப் பதிந்து நடத்திய விசாரணையில், நித்யாவின் 25 பவுன் தங்க நகைகள் திருடப்பட்டிருப்பது தெரியவந்தது.