ஓய்வூதியர் கோரும் தகவல்களை 48 மணி நேரத்துக்குள் அளிக்க வேண்டும்

ஓய்வூதிய தாரர்கள் கோரும் தகவல்களை விண்ணப்பித்த 48 மணி நேரத்துக்குள் அளிக்க வேண்டுமென தமிழக அரசை மாநில தகவல் ஆணையம் அறிவுறுத்தியுள்ளது.

- 

சென்னை, ஜூன் 4:

அரசுப் பணியில் இருந்து ஓய்வு பெற்றவர் ஆர்.ராஜா. வயது முதிர்வின் காரணமாக பணி ஓய்வு அளிக்கப்பட்டதற்கான கோப்புகளின் நகல்களைக் கேட்டு கருவூலம் மற்றும் கணக்குத் துறை இயக்குநர் அலுவலகத்துக்கு விண்ணப்பித்தார். 2003-ஆம் ஆண்டே விண்ணப்பித்த மனுவைப் பரிசீலித்த பொதுத் தகவல் அலுவலர் ஜி.எஸ்.சதீஷ் குமார், நிர்ணயிக்கப்பட்ட காலக்கெடுவுக்குள் தகவல்கள் வழங்கவில்லை.

இதனால், முதலாவது மேல்முறையீட்டு விண்ணப்பத்தை கருவூலம் மற்றும் கணக்குத் துறை ஆணையரகத்துக்கு மனுதாரர் ராஜா அனுப்பி வைத்தார். இதற்குப் பதிலளித்த கருவூலத் துறை, தகவல் பெறும் உரிமைச் சட்டப்படி தகவல் வழங்க வழியில்லை என்று தெரிவித்தது.