பாதுகாப்பு அதிகாரிகளுக்கு அவசரகால கொள்முதல் அதிகாரம் மாநிலங்களுக்கு மத்திய அரசு அறிவுறுத்தல்

குடிமைப் பாதுகாப்பு அதிகாரிகளுக்கு அவசரகால கொள்முதல் அதிகாரம் வழங்க அனைத்து மாநிலங்களுக்கும் மத்திய அரசு அறிவுறுத்தியது.

- 

புது தில்லி, மே 9:

இந்தியா-பாகிஸ்தான் இடையே மோதல் தொடர்ந்து வருகிறது. ஒரு வேளை போர்ப் பதற்றம் மேலும் அதிகரிக்கும்பட்சத்தில் தேவையான கொள்முதலை உடனடியாக குடிமைப் பாதுகாப்பு அதிகாரிகள் மேற்கொள்ள அதிகாரம் வழங்க வேண்டும் என மத்திய அரசு தெரிவித்தது.

இதுதொடர்பாக அனைத்து மாநில மற்றும் யூனியன் பிரதேசங்களின் தலைமைச் செயலர்களுக்கு தீயணைப்பு, குடிமைப் பாதுகாப்பு மற்றும் உள்நாட்டு படை இயக்குநர் விவேக் ஸ்ரீவாஸ்தவா கடிதம் எழுதினார்.

அதில் கூறப்பட்டிருப்பதாவது: மாநிலங்கள் மற்றும் யூனியன் பிரதேசங்கள் மீது வெளியில் இருந்து தாக்குதல் நடத்தும் சூழல் உருவாகும்போது அதை முன்னெச்சரிக்கையுடன் தடுக்க குடிமைப் பாதுகாப்பு சட்டம் மற்றும் விதிகள்-1968 வழிவகுக்கிறது.