தூய்மைப் பணியாளர்கள் சாலையில் உருண்டு போராட்டம்

600-க்கும் மேற்பட்டோர் கைது

- 

பணி நிரந்தரம் உள்ளிட்ட கோரிக்கைகளை வலியுறுத்தி சென்னையில் தூய்மைப் பணியாளர்கள் சாலையில் உருண்டும், வாகனங்களின் அடியில் படுத்தும் போராட்டத்தில் ஈடுபட்டனர்.

நகரில் மூன்று இடங்களில் போராட்டத்தில் ஈடுபட்ட 600-க்கும் மேற்பட்ட பணியாளர்களை போலீஸார் கைது செய்தனர்.

சென்னை மாநகராட்சியில் பணிபுரியும் ஒப்பந்த தூய்மைப் பணியாளர்களை பணி நிரந்தரம் செய்ய வேண்டும், மாநகராட்சி தூய்மைப் பணிகளை தனியார் மயமாக்குவதை கைவிட வேண்டும் என்பன உள்ளிட்ட 16 அம்ச கோரிக்கைகளை வலியுறுத்தி, பல்வேறு கட்ட தொடர் போராட்டங்களில் தூய்மைப் பணியாளர்கள் ஈடுபட்டு வருகின்றனர்.