திரையரங்க நெரிசல் சம்பவம் அல்லு அர்ஜுன் உள்பட 23 பேருக்கு எதிராக குற்றப்பத்திரிகை

தெலங்கானா தலைநகர் ஹைதராபாதில் கடந்த ஆண்டு திரையரங்கில் ஏற்பட்ட கூட்ட நெரிசல் தொடர்பான வழக்கில் நடிகர் அல்லு அர்ஜுன் உள்பட 23 பேருக்கு எதிராக காவல் துறையினர் குற்றப்பத்திரிகை தாக்கல் செய்துள்ளனர்.

- 

அல்லு அர்ஜுன் நடித்த புஷ்பா-2 திரைப்படம், கடந்த ஆண்டு டிசம்பர் 5-இல் வெளியானது. இதற்கு முதல் நாள் இரவில், ஹைதராபாதில் உள்ள திரையரங்கு ஒன்றில் சிறப்புக் காட்சி திரையிடப்பட்டது. ஏராளமான ரசிகர்கள் கூடியிருந்த நிலையில், அந்த திரையரங்குக்கு தனது பாதுகாவலர்களுடன் அல்லு அர்ஜுன் திடீரென வந்தார். அவரைப் பார்க்க ரசிகர்கள் முண்டியடித்ததால், கூட்ட நெரிசல் ஏற்பட்டது. திரையரங்கின் கதவு இடிந்து விழுந்ததில் 35 வயது பெண் உயிரிழந்தார். அவரது 8 வயது மகன் படுகாயமடைந்தார்.

எந்த முன்னறிவிப்பும் இன்றி திரையரங்குக்கு அல்லு அர்ஜுன் வந்ததாகக் குற்றச்சாட்டு எழுந்தது.