இலவச சத்திரமாக மாறிவரும் கோயம்பேடு பேருந்து நிலையம்...!

போக்குவரத்து வசதிக்காக கட்டப்பட்ட கோயம்பேடு பேருந்து நிலையம், தற்போது இலவச சத்திரமாக மாறிவிட்டதாகவும், அதனால் பயணிகளுக்கு பாதுகாப்பற்ற நிலை ஏற்பட்டுள்ளதாகவும் புகார் எழுந்துள்ளது.

- வ. ஜெயபாண்டி

சென்னை கோயம்பேட்டில் கடந்த 2002ஆம் ஆண்டு 37 ஏக்கரில் 1,49,750 சதுர மீட்டரில் ரூ.103 கோடியில் புதிதாக ஒருங்கிணைந்த பேருந்து நிலையம் கட்டப்பட்டு திறக்கப்பட்டது.

பேருந்து நிலைய வசதிகள்:

இங்கு பிரதான நுழைவுப் பகுதியில் 3 பிரிவுகளில் தலா 60 பேருந்துகள் என ஒரே நேரத்தில் 180 பேருந்துகளை நிறுத்தும் வசதியுள்ளது. உள்பகுதியில் 6 நடைமேடைகளில் சுமார் 100 பேருந்துகள் நிறுத்துவதற்கும், தினமும் 2,000 வெளியூர் பேருந்துகள் வந்து செல்வதற்கான வசதிகள் ஏற்படுத்தப்பட்டன.

தலா 2,500 இருசக்கர வாகனங்கள் நிறுத்தும் வகையில், 2 நவீன வாகன நிறுத்துமிடங்கள் உள்ளன. 'இ' பிரிவாக 10 கடைகள் அமைக்கப்பட்டுள்ளன. தினமும் சுமார் 1 லட்சம் பேர் வரை பேருந்து நிலையத்துக்கு வந்து சென்ற நிலையில், அவர்களுக்காக 7 இடங்களில் குடிநீர் வசதி, 14 இடங்களில் கழிப்பறை வசதிகள், 8 இடங்களில் ஆழ்துளைக் கிணறுகள் அமைக்கப்பட்டன. பயணிகள் செல்ல ப்ரீபெய்டு ஆட்டோ வசதி, காவல் நிலையம், 192 கண்காணிப்புக் கேமராக்கள் என அனைத்து வசதிகளும் உள்ளன.

தங்கும் நபர்களை வெளியேற்ற முடியாமல் தவிக்கும் அதிகாரிகள்