உரிய நேரத்தில் வாக்காளர் பட்டியல்களை சில கட்சிகள் ஆராயவில்லை: தேர்தல் அணையம்

சில அரசியல் கட்சிகளும், அவற்றின் வாக்குச்சாவடி நிலை முகவர்களும் வாக்காளர் பட்டியல்களை உரிய நேரத்தில் ஆராய்ந்து, அவற்றில் உள்ள பிழைகளை வாக்காளர் பதிவு அலுவலர்கள், மாவட்ட தேர்தல் அதிகாரிகள் அல்லது தலைமை தேர்தல் அதிகாரிகளிடம் சுட்டிக்காட்டாதது போல தெரிவதாக தேர்தல் அணையம் தெரிவித்துள்ளது.

- 

இதுதொடர்பாக தேர்தல் அணையம் சனிக்கிழமை வெளியிட்ட செய்திக்குறிப்பில் தெரிவிக்கப்பட்டுள்ளதாவது:

தேர்தல் ஆணையம் வெளியிட்ட வழிகாட்டுதல்களின்படி வாக்குச்சாவடி நிலை அலுவலர்களின் உதவியுடன் வாக்காளர் பட்டியலை வாக்காளர் பதிவு அலுவலர்கள் தயாரித்து இறுதி செய்வர். வாக்காளர் பட்டியலில் உள்ள பிழைகளைத்திருத்தும் பொறுப்பை அவர்கள் ஏற்றுள்ளனர். வரைவு வாக்காளர் பட்டியலை வெளியிட்ட பின்னர், அதன் காகித மற்றும் எண்ம (டிஜிட்டல்) நகல்கள் அனைத்து அரசியல் கட்சிகளிடம் பகிரப்பட்டு, அனைவரும் பார்க்க வசதியாக தேர்தல் அணைய வலைதளத்திலும் வெளியிடப்படுகிறது.