'உங்களுடன் ஸ்டாலின்' முகாமில் இதுவரை 12.65 லட்சம் மனுக்கள்

'உங்களுடன் ஸ்டாலின்' திட்ட முகாம்களின் கீழ் இதுவரை 12.65 லட்சம் மனுக்கள் பெறப்பட்டுள்ளதாகவும், அவற்றில் மகளிர் உரிமைத் தொகை கோரிய விண்ணப்பங்களின் எண்ணிக்கை 5,88,000 எனவும் தமிழக அரசு வட்டாரங்கள் தெரிவித்தன.

- 

சென்னை, ஜூலை 29:

அரசுத் துறைகளின் சேவைகளை, மக்களின் இல்லங்களுக்கே சென்று வழங்கும் 'உங்களுடன் ஸ்டாலின்' என்ற புதிய திட்டத்தை முதல்வர் மு.க.ஸ்டாலின் சிதம்பரத்தில் கடந்த 15-ஆம் தேதி தொடங்கி வைத்தார். இந்தத் திட்டத்தின் கீழ், நகர்ப்புறங்களில் 13 அரசுத் துறைகளின் 43 சேவைகளும், ஊரகப் பகுதிகளில் 15 அரசுத் துறைகளின் 46 சேவைகளும் வழங்கப்படுகின்றன. இதற்கென வாரத்தில் 4 நாட்கள் முகாம்கள் நடைபெறுகின்றன.