திமுக கூட்டணியிலிருந்து காங்கிரஸ் வெளியேற வேண்டும்

திமுக கூட்டணியிலிருந்து வெளியேற வேண்டும் என காங்கிரஸுக்கு தமிழக பாஜக முன்னாள் தலைவர் கே. அண்ணாமலை வேண்டுகோள் விடுத்தார்.

- 

சென்னை சைதாபேட்டை நீதிமன்றத்தில் திமுக பொருளாளர் டி.ஆர்.பாலு தொடர்ந்த அவதூறு வழக்கில் வியாழக்கிழமை ஆஜராகிய அண்ணாமலை, செய்தியாளர்களிடம் கூறியதாவது:

1967 தேர்தல் பரப்புரையின் போது கருணாநிதியும் திமுகவினரும் பேசியதை நினைவுகூர்ந்தால் காங்கிரஸார் இப்போதைய திமுக கூட்டணியில் இருக்க மாட்டார்கள். காமராஜர் மீதும், இந்திரா காந்தி மீதும், ஏனைய காங்கிரஸ் தலைவர்கள் மீதும் ஆதாரமற்ற அவதூறுகளை அள்ளி வீசியவர்கள் திமுகவினர்.