பயங்கரவாத எதிர்ப்பு: இந்தியாவுக்கு அமெரிக்கா ஆதரவு

'பயங்கரவாதத்துக்கு எதிரான இந்தியாவின் நடவடிக்கையில் அமெரிக்கா உறுதியுடன் துணை நிற்கும்' என்று அமெரிக்க வெளியுறவுத் துறை இணையமைச்சர் கிறிஸ்டோபர் லண்டா நம்பிக்கை தெரிவித்தார்.

- 

பஹல்காமில் பயங்கரவாதத் தாக்குதலுக்குப் பதிலடியாக, பாகிஸ்தான் மற்றும் பாகிஸ்தான் ஆக்கிரமிப்பு காஷ்மீரில் கடந்த மே 7-ஆம் தேதி இந்திய ராணுவம் ஏவுகணைத் தாக்குதலை நடத்தி (ஆபரேஷன் சிந்தூர்), பயங்கரவாத உள்கட்டமைப்புகளை அழித்தது. பின்னர், இரு நாடுகளுக்கும் இடையே 4 நாட்களுக்கு ராணுவ மோதல் ஏற்பட்டு, பாகிஸ்தானின் கோரிக்கையின் பேரில் சண்டை நிறுத்திவைக்கப்பட்டுள்ளது.

ஆபரேஷன் சிந்தூர் நடவடிக்கைக்குப் பிறகு, பாகிஸ்தானின் பயங்கரவாத ஆதரவை உலக நாடுகளிடம் அம்பலப்படுத்தவும், பயங்கரவாதத்துக்கு எதிரான இந்தியாவின் நிலைப்பாட்டை எடுத்துரைக்கவும் ஏழு எம்.பி.க்கள் தலைமையில் அனைத்துக் கட்சிக் குழுக்கள் மத்திய அரசால் அமைக்கப்பட்டன. இந்த குழுக்கள் பல்வேறு நாடுகளுக்குப் பயணம் மேற்கொண்டு, இந்தியாவின் நிலைப்பாட்டை எடுத்துரைத்து உலக நாடுகளின் ஆதரவைப் பெற்று வருகின்றன.