சென்னையை வென்றது ராஜஸ்தான்

ஐபிஎல் போட்டியின் 62-ஆவது ஆட்டத்தில் ராஜஸ்தான் ராயல்ஸ் 6 விக்கெட்டுகள் வித்தியாசத்தில் சென்னை சூப்பர் கிங்ஸை செவ்வாய்க்கிழமை சாய்த்தது.

- 

புது தில்லி, மே 20:

முதலில் சென்னை 20 ஓவர்களில் 8 விக்கெட்டுகள் இழப்புக்கு 187 ரன்கள் எடுக்க, ராஜஸ்தான் 17.1 ஓவர்களில் 4 விக்கெட்டுகள் இழப்புக்கு 188 ரன்கள் சேர்த்து வென்றது.

முன்னதாக டாஸ் வென்ற ராஜஸ்தான், பந்துவீச்சை தேர்வு செய்தது. சென்னை இன்னிங்ஸில் டெவன் கான்வே 10, உர்வில் படேல் 0 ரன்களுக்கு வெளியேறினர்.

அதிரடி காட்டிய ஆயுஷ் மாத்ரே -ரவிச்சந்திரன் அஸ்வின் கூட்டணி, 3-ஆவது விக்கெட்டுக்கு 56 ரன்கள் சேர்த்தது. இதில் 8 பவுண்டரிகள், 1 சிக்ஸருடன் 43 ரன்கள் சேர்த்த ஆயுஷ் ஆட்டமிழந்தார்.