வங்கதேச இறக்குமதிக்கு கட்டுப்பாடுகள்: இந்திய ஜவுளித் துறைக்கு உதவும்

நிபுணர்கள் கருத்து

- 

புது தில்லி, மே 18: வங்கதேசத்தின் சில இறக்குமதி பொருள்களுக்கு இந்திய அரசு விதித்துள்ள கட்டுப்பாடுகள், நாட்டின் ஜவுளித் துறைக்கு குறிப்பாக சிறு, குறு, நடுத்தரத் தொழில் நிறுவனங்களுக்கு அவற்றின் போட்டித்தன்மையை அதிகரிக்க உதவும் என்று நிபுணர்கள் தெரிவிக்கின்றனர்.

வங்கதேசத்தின் 77 கோடி டாலர் மதிப்பிலான இறக்குமதிக்கு இந்தியா கடந்த சனிக்கிழமை கட்டுப்பாடுகளை விதித்தது. இது இருதரப்பு இறக்குமதியில் கிட்டத்தட்ட 42 சதவீதமாகும். இருதரப்பு இறக்குமதியில் சமநிலையை உறுதிப்படுத்த இந்த முடிவெடுக்கப்பட்டுள்ளதாக அரசு வட்டாரங்கள் தெரிவிக்கின்றன.

ஆடைகள், பதப்படுத்தப்பட்ட உணவுகள் மற்றும் பிளாஸ்டிக் பொருள்கள் போன்ற வங்கதேசத்தின் முக்கிய இறக்குமதி பொருள்களை கொல்கத்தா, மும்பை ஆகிய 2 துறைமுகங்கள் மூலம் மட்டுமே இந்தியாவுக்குள் இறக்குமதி செய்யமுடியும். வங்கதேசத்திலிருந்து நிலம் வழியான இறக்குமதிக்கு முற்றிலும் தடை விதிக்கப்பட்டுள்ளது.