தமிழக காவல் துறையின் 23 பேர் உள்பட 942 பேருக்கு குடியரசுத் தலைவர் காவல் பதக்கங்கள் அறிவிப்பு

குடியரசு தினத்தையொட்டி மத்திய, மாநில காவல் படைகள், உளவுத்துறை உள்ளிட்ட புலனாய்வுத்துறை கள், தீயணைப்புத்துறை, ஊர்க்காவல் படை, சிறைத்துறை ஆகிய வற்றில் சிறப்பாகப் பணியாற்றிய காவலர்கள் முதல் உயரதிகாரிகள் வரை மொத்தம் 942 தீர செயல், அளப்பரிய பணி, சிறப்புப் பணி பதக்கங்கள் சனிக்கிழமை அறிவிக்கப்பட்டது.

- நமது சிறப்பு நிருபர்

நமது சிறப்பு நிருபர் புது தில்லி, ஜன. 25: மத்திய உள்துறை அமைச்சகம் இது தொடர்பான அறிவிப்பை வெளியிட்டுள்ளது.

இதன்படி, வீர, தீரச்செயலுக்கான குடியரசுத் தலைவர் பதக்கம் அறிவிக்கப்பட்டுள்ள 95 பேரில் இடதுசாரி தீவிரவாதத்தால் பாதிக்கப்பட்ட பகுதிகளில் பணியில் ஈடுபடுத்தப்பட்ட 28 பேர், ஜம்மு-காஷ்மீர் பிராந்தியத்தில் 28 பேர், வடகிழக்கில் மூன்று பேர் மற்றும் பிற பிராந்தியங்களில் பணியமர்த்தப்பட்ட 36 பேர் வீரதீரச்செயலுக்குரிய குடியரசுத் தலைவர் பதக்கங்களை பெறுகின்றனர்.

இவர்களில் 78 பேர் பல்வேறு மாநிலங்களின் காவல் துறைகளைச் சேர்ந்தவர்கள், 17 பேர் தீயணைப்புத் துறைகளில் பணியாற்றியவர்கள். தமிழக காவல் துறை, ஊர்க்காவல்படை, சிறைத்துறையில் பணியாற்றி வரும் 28 பேருக்கு சீர்மிகு பணி, சிறப்புப் பணி பதக்கங்கள் அறிவிக்கப்பட்டுள்ளன.

தமிழகத் தீயணைப்புத் துறையில் இருந்து எவருக்கும் பதக்கம் அறிவிக்கப்படவில்லை.