ஒருநாள் கிரிக்கெட்: 2-ஆவது வெற்றியுடன் தொடரைக் கைப்பற்றியது நியூஸிலாந்து

இலங்கைக்கு எதிரான 2-ஆவது ஒருநாள் கிரிக்கெட்டில், நியூஸிலாந்து 113 ரன்கள் வித்தியாசத்தில் புதன்கிழமை வெற்றிபெற்றது.

- 

ஹாமில்டன், ஜன. 8: இலங்கைக்கு எதிரான 2-ஆவது ஒருநாள் கிரிக்கெட்டில், நியூஸிலாந்து 113 ரன்கள் வித்தியாசத்தில் புதன்கிழமை வெற்றிபெற்றது. இத்துடன் தொடர்ந்து இரு வெற்றிகளைப் பதிவு செய்த அந்த அணி, 3 ஆட்டங்கள் கொண்ட தொடரை தன் வசமாக்கியுள்ளது.

இந்த 2-ஆவது ஆட்டம் மழையால் பாதிக்கப்பட்டதால், இன்னிங்ஸுக்கான ஓவர்கள் 37-ஆகக் குறைக்கப்பட்டன. இதில் முதலில் நியூஸிலாந்து 37 ஓவர்களில் 9 விக்கெட்டுகள் இழப்புக்கு 255 ரன்கள் சேர்க்க, இலங்கை 30.2 ஓவர்களில் 142 ரன்களுக்கே அனைத்து விக்கெட்டுகளையும் இழந்தது.