திமுகவின் வெளிச்சத்தில் மார்க்சிஸ்ட் இல்லை!

திமுகவின் வெளிச்சத்தில் மார்க்சிஸ்ட் கம் யூனிஸ்ட் கட்சி இருப்பதாக கூறுவது பொருத்தமானதல்ல என்று கட்சியின் புதிய மாநிலச் செயலர் பெ.சண்முகம் ஞாயிற்றுக்கிழமை தெரிவித்தார்.

- 

விழுப்புரத்தில் மார்க்சிஸ்ட் 24-ஆவது மாநில மாநாட்டின் நிறைவில் மாநிலச் செயலராகத் தேர்வு செய்யப்பட்ட பின்னர் அவர் செய்தியாளர்களிடம் கூறியதாவது: நடைபெற்ற தொழிலாளர் மார்க்சிஸ்ட் கம்யூனிஸ்ட் கட்சியின் 24-ஆவது மாநில மாநாடு தனது நோக்கத்தை நிறைவேற்றியுள்ளது. இதன்மூலம் தமிழகத்தில் உள்ள அரசியல் சூழ்நிலைகள் சம்பந்தமாகவும், விவசாயிகள், உழைக்கும் மக்களின் பல்வேறு பிரச்னைகள் சம்பந்தமாகவும் மாநிலம் முழுவதுமிருந்து வந்த 600-க்கும் மேற்பட்ட கட்சிப் பிரதிநிதிகள் விவாதித்து பல முக்கிய தீர்மானங்களை நிறைவேற்றியுள்ளோம்.