மணிப்பூர்: குகி தீவிரவாதிகள் நீதியின் முன் நிறுத்தப்படுவர்

மணிப்பூர் மாநிலம் ஜிரிபாம் மாவட்டத்தில் குகி தீவிரவாதிகளால் கடந்த சனிக்கிழமை 6 பேர் கொல்லப்பட்ட நிலையில், ‘குற்றவாளிகள் நீதியின் முன் நிறுத்தப்படும் வரை எனது அரசு ஓயாது’ என மாநில முதல்வர் என் பிரேன் சிங் புதன்கிழமை உறுதியளித்தார்.

- 

ஜிரிபாம் மாவட்டத்தில் கடந்த நவ.11-ஆம் தேதி பாதுகாப்புப் படையினருக்கும் குகி தீவிரவாதிகளுக்கும் இடையே நடைபெற்ற துப்பாக்கிச் சண்டையில் 10 தீவிரவாதிகள் கொல்லப்பட்டனர்.

இந்தச் சண்டையின்போது நிவாரண முகாம்களில் இருந்து கடத்தப்பட்ட 3 மைதேயி சமூகத்தைச் சேர்ந்த பெண்கள் மற்றும் 3 குழந்தைகளின் உடல்கள் நவ.16-ஆம் தேதி மீட்கப்பட்டன. இதனால் மாநிலத்தில் மீண்டும் வன்முறை வெடித்தது. எம்எல்ஏ-கள், அமைச்சர்களின் வீடுகள் மைதேயி போராட்டக்காரர்களால் முற்றுகையிடப்பட்டு சூறையாடப்பட்டன.