மீண்டும் முதல்வரானார் ஹேமந்த் சோரன்

ஜார்க்கண்ட் ஆளுநர் மாளிகையில் பதவியேற்பு

- 

ஜார்க்கண்ட் மாநிலத்தின் 13-ஆவது முதல்வராக ஆளும் ஜார்க்கண்ட் முக்தி மோர்ச்சா கட்சியின் (ஜேஎம் எம்) செயல் தலைவர் ஹேமந்த் சோரன் (48) வியாழக்கிழமை பதவியேற்றார்.

ஆளுநர் மாளிகையில் மாலை 5 மணியளவில் நடைபெற்ற விழாவில் அவருக்கு ஆளுநர் சி.பி.ரா தாகிருஷ்ணன் பதவிப் பிரமாணமும் ரகசிய காப்பு பிரமாணமும் செய்துவைத்தார்.

ஹேமந்த் சோரனின் தந்தையும் ஜேஎம்எம் கட்சியின் தலைவருமான சிபு சோரன், தாய் ரூபி சோரன், மனைவியும் எம்எல்ஏ வுமான கல்பனா சோரன், கட்சியின் மூத்த தலைவர்கள் உள்ளிட்டோர் பதவியேற்பு விழாவில் பங்கேற்றனர்.

ஜார்க்கண்ட் முதல்வராக இருந்த கட்சியின் மூத்த தலைவர் சம்பயி சோரன் தனது பதவியை புதன்கிழமை ராஜிநாமா செய்ததைத் தொடர்ந்து, அன்றைய தினமே ஆளுநரைச் சந்தித்து மாநிலத்தில் ஆட்சியமைக்க ஹேமந்த் சோரன் உரிமை கோரினார். அதை ஏற்று ஆட்சியமைக்க ஹேமந்த் சோரனுக்கு ஆளுநர் சி.பி.ராதாகிருஷ்ணன் அழைப்பு விடுத்தார். அதைத் தொடர்ந்து, முதல்வராக ஹேமந்த் சோரன் மீண்டும் பதவியேற்றுள்ளார்.