தமிழகத்துக்கு ரூ.2,000 கோடி உணவு மானிய நிலுவை

மத்திய அரசு வழங்க ஒப்புதல்: அமைச்சர் அர.சக்கரபாணி

நமது சிறப்பு நிருபர்

புது தில்லி, ஜூலை 5: தமிழகத்துக்கு உரிய உணவு மானிய நிலுவைத் தொகை ரூ.2,000 கோடியை விரைவில் வழங்க மத்திய அரசு ஒப்புதல் அளித்துள்ளது.

இந்தத் தகவலை தமிழக உணவு மற்றும் உணவுப் பொருள் வழங்கல் துறை அமைச்சர் அர.சக்கரபாணி தில்லியில் செவ்வாய்க்கிழமை தெரிவித்தார்.

மத்திய அமைச்சர் பியூஷ் கோயல் தில்லியில் தலைமையில் நடைபெற்ற உணவு - ஊட்டச்சத்து பாதுகாப்பு தொடர்பான தேசிய மாநாட்டில் பல்வேறு மாநிலங்கள், யூனியன் பிரதேசங்களின் உணவு அமைச்சர்கள் கலந்து கொண்டனர்.

இந்த மாநாட்டில் தமிழக உணவு, உணவுப் பொருள் வழங்கல் துறை அமைச்சர் அர. சக்கரபாணி, தமிழக உணவு மற்றும் கூட்டுறவுத் துறை முதன்மைச் செயலர் ஜெ.ராதாகிருஷ்ணன் ஆகியோர் கலந்து கொண்டனர்.

இக்கூட்டத்துக்குப் பின்னர் அமைச்சர் அர.சக்கரபாணி செய்தியாளர்களிடம் கூறியதாவது: 

நிகழாண்டில் மேட்டூர் அணை முன்கூட்டியே மே 24-ஆம் தேதி திறக்கப்பட்டதன் மூலம் நெல் அறுவடையும் செப்டம்பரில் நடைபெறும் என்பதால், நெல் கொள்முதலை செப்டம்பர் 1-ஆம் தேதியே தொடங்க மத்திய அரசிடம் அனுமதி பெறப்பட்டது.