இல்லம் தேடி கல்வி திட்டத்தால் 1 கோடி மாணவர்கள் பயன்

ரூ.3,117 கோடியில் பேராசிரியர் அன்பழகன் பள்ளி மேம்பாட்டுத் திட்டம் மற்றும் ரூ.660 கோடியில் இல்லம் தேடிக் கல்வித் திட்டத்தில் ஒரு கோடி மாணவர்கள் பயன் பெற்றுள்ளதாக தமிழக அரசு தெரிவித்துள்ளது.

- 

இதுதொடர்பாக தமிழக அரசு வெளியிட்ட அறிக்கை: முதல்வர் மு.க. ஸ்டாலின் திராவிட மாடல் ஆட்சி கல்வியில் சமூக சமத்துவத்திற்காக, ஆழமாக வேரூன்றிய தமிழ்நாட்டின் அர்ப்பணிப்பை மீண்டும் உறுதிப்படுத்துவதாகவும், எதிர்காலத்தை நோக்கிய ஒரு துணிச்சலான முன்னெடுப்பாகவும் தமிழ்நாடு மாநிலக் கொள்கையைப் புதிதாக வடிவமைத்துள்ளது. இது கல்வியாளர்களால் வரவேற்கப்படுகிறது.

முதல்வர் மு.க. ஸ்டாலின் கொரோனா காலக் கற்றல் இடைவெளியை நிறைவு செய்திடும் நோக்கில் இந்தியாவில் எந்த மாநிலமும் செயல்படுத்தாத வகையில் அறிமுகப்படுத்திய திட்டம் இல்லம் தேடிக் கல்வித் திட்டம். இத்திட்டத்திற்கு 2021-22 முதல் ரூ.660.35 கோடி ஒதுக்கீடு செய்யப்பட்டுள்ளது. 1.65 லட்சம் தன்னார்வலர்கள் மூலம் 34 லட்சம் மாணவர்கள் பயன்பெற்றுள்ளனர். 2025-26ம் கல்வியாண்டில் ரூ.44.14 கோடி ஒதுக்கீட்டில் செயல்பட்டு வரும் 34,000 இல்லம் தேடிக் கல்வி மையங்களில் 5.986 லட்சம் மாணவர்கள் பயன்பெறுகின்றனர்.

20 தொடக்கப்பள்ளிகளில் 1 முதல் 5ம் வகுப்பு வரை படிக்கும் குழந்தைகளிடையே அடிப்படை கல்வியறிவு மற்றும் எண்ணறிவை மேம்படுத்தவும், ஒவ்வொரு குழந்தையும் 2025ம் ஆண்டுக்குள் வாசித்தல், எழுதுதல் மற்றும் அடிப்படை எண்கணித திறன்கள் அடைவதை உறுதி செய்யவும் "எண்ணும் எழுத்தும்" திட்டம் நடைமுறைப்படுத்தப்பட்டுள்ளது. இத்திட்டத்தின் மூலம் 37,767 அரசு மற்றும் அரசு உதவி பெறும் தொடக்கப்பள்ளிகளில் பயிலும் 25.08 லட்சம் மாணவர்கள் பயனடைகின்றனர்.

தனி கட்டணம் ரத்து

2022-23ம் கல்வியாண்டு முதல் அரசு மேல்நிலைப் பள்ளிகளில் 11 மற்றும் 12ம் வகுப்புகளில் கணினி அறிவியல் பாடத்தை விருப்பப் பாடமாகப் பயிலும் மாணவர்களிடம் வசூலிக்கப்படும் தனிக் கட்டணம் ரூ.200 ரத்து செய்யப்பட்டுள்ளது. இதன்மூலம் 3.5 லட்சம் மாணவர்கள் பயனடைந்துள்ளனர்.

ரூ.3,117 கோடியில் பேராசிரியர் அன்பழகன் பள்ளி மேம்பாட்டுத் திட்டம்

79,723 இடைநிலை ஆசிரியர்களுக்கு ரூ.81 கோடியில் கைக்கணினிகள்

மாதிரி பள்ளிகள்