'குபேரா' படத்தின் எழுத்தாளர் இவர்தான்!

பெண்கள் கால் பதிக்காத துறை இனி எதுவும் இல்லை. அந்த அள விற்கு அத்தனை துறைகளிலும் மாஸ் வளர்ச்சி காட்டி வருகிறார்கள். அதிலும் கடந்த 10 வருடங்களாக சினிமா தொழில்நுட்பத் துறையிலும் பெண்களின் பங்கு மிகப் பெரிய அளவில் அதிகரித்து வருகிறது. இதில் தன்னை இணைத்துக் கொண்டு இப்போது ட்ரெண்டிங்கில் இருக்கிறார் சைதன்யா பிங்களி. யார் இந்த சைதன்யா?....

- - ஷாலினி நியூட்டன்

தெலுங்கு சினிமா உலகம் இவர் பெயரை உச்சரிப்பது ஏன்?. ஏனெனில் தற்போது வெளியாகி ஓடிக்கொண்டிருக்கும் 'குபேரா' திரைப்படத்தின் கதை ஆசிரியர். கற்றலைக் கடந்த எழுத்தின் பாதையில் தன்னை செலுத்தி வெற்றிக் கண்டு வருகிறார். இவரது குடும்பப் பின்னணியும் அவ்வளவு சாதாரணம் அல்ல. சைதன்யா இந்திய தேசியக் கொடியை வடிவமைத்தவரும் சுதந்திரப் போராட்ட வீரருமான பிங்கலி வெங்கையாவின் கொள்ளுப்பேத்தி.

அப்பா தசரதர், தனது "என்கவுண்டர்" பத்திரிகை மூலம் தெலுங்கு உலகில் பரபரப்பை ஏற்படுத்தியவர். அவர் ஒரு சமூகப் போராளி. இதனாலேயே எதிரிகள் அதிகம். சைதன்யா சிறுவயதாக இருந்தபோதே அவர் அப்பா படுகொலை செய்யப்பட்டார். அப்பாவின் எழுத்து சைதன்யாவையும் விடவில்லை. “ஆமா, நான் பிங்களி தாசரதராமின் மகள். என் அப்பா இறந்தப்போ எனக்கு மூன்று வயசுதான்," என நினைவுகூர்கிறார் சைதன்யா. "என் அப்பா கொலை செய்யப்பட்ட பிறகு, என் அம்மா ரொம்பவே பயந்துபோனாங்க. அதனால, எப்பவும் அப்பா பற்றி என்னிடமும் ரெண்டு தம்பிகளிடமும் அம்மா பேசவே மாட்டாங்க. எனக்கு விவரம் தெரிந்துதான் நான் இன்னார் மகள், பேத்தி என்கிறதெல்லாம் சொந்தங்கள் மூலம் தெரிஞ்சுகிட்டேன்' என நினைவு கூர்கிறார் சைதன்யா.