இந்தியர்களை உளவாளிகளாக மாற்றிய விவகாரம் மேலும் ஒரு பாக். அதிகாரி வெளியேற்றம்

ஒன்றிய அரசு அதிரடி நடவடிக்கை

- 

இந்தியர்களை உளவாளிகளாக மாற்றிய விவகாரத்தில் மேலும் ஒரு பாக். அதிகாரியை 24 மணி நேரத்தில் நாட்டை விட்டு வெளியேறும்படி ஒன்றிய அரசு உத்தரவிட்டுள்ளது.

காஷ்மீர் பஹல்காம் தாக்குதலில் 26 பேர் பலியானதற்கு பதிலடியாக இந்தியா ஆபரேஷன் சிந்தூர் பெயரில் பாக்.கில் உள்ள 9 தீவிரவாத முகாம்களை குறிவைத்து தாக்கியது. இதனால் இருநாடுகள் இடையே 4 நாட்கள் கடும் போர் நடந்தது. அதன்பின் தற்போது போர் பதற்றம் குறைந்துள்ள நிலையில் இந்தியாவில் உள்ள பாகிஸ்தான் தூதரகத்தில் பணிபுரிந்த எஹ்சான்-உர்-ரஹீம் என்று அழைக்கப்பட்ட டேனிஷ் என்பரை உடனடியாக நாட்டை விட்டு வெளியேறும்படி ஒன்றிய அரசு உத்தரவிட்டது.