மூலப்பொருட்கள் விலை, போக்குவரத்து செலவு அதிகரிப்பு எதிரொலி சென்னையில் டீ, காபி விலை இன்று முதல் உயர்வு

தேயிலை, காபி பவுடர், பால் உள்ளிட்ட மூலப்பொருட்கள் விலை உயர்வு, போக்குவரத்து செலவு அதிகரிப்பால் சென்னையில் இன்று முதல் டீ, காபி விலையை உயர்த்துவதாக டீக்கடைக்காரர்கள் சங்கத்தினர் அறிவித்துள்ளனர்.

- 

அதே நேரத்தில் பஜ்ஜி, போண்டா, சமோசா விலையும் ரூ.3 அதிகரிக்கிறது.

மக்கள் மத்தியில் நாளுக்கு நாள் டீ, காபியின் பயன்பாடு அதிகமாகிக் கொண்டே போகிறது. டீ, காபி குடிக்கும் பழக்கம் இல்லாதவர்களை விரல் விட்டு எண்ணிவிடலாம். கம்யூட்டரில் வேலை பார்ப்பவர்கள் முதல், தீவிர உடல் உழைப்பில் ஈடுபடுவர்கள் வரை இடைவேளை நேரத்தில் கண்டிப்பாக டீ, காபியை அருந்துவதை பார்க்க முடியும். பலருக்கு டீ அல்லது காபியையோ குடிக்காவிட்டால் அன்றைய தினமே எதையோ மிஸ் செய்வது போல உணர்வார்கள். இளைஞர்கள் பலரும் தங்களுக்கு காலை உணவே, இந்த டீ தான் என்று சொல்லும் அளவுக்கு பட்டினி கிடந்தால் கூட மறக்காமல் டீ குடிப்பதை பார்க்க முடிகிறது. இப்படி உணவு கலாசாரத்தில் தவிர்க்க முடியாத இடத்தை இந்த சூடான பானங்கள் பெற்றுவிட்டன.