Dathlu bywyd cythryblus seren ffilmiau o Rhydyfen

BYDD y BBC yn dathlu bywyd yr eicon Cymreig a'r seren byd-eang Richard Burton yn hwyrach eleni, 100 mlynedd ers ei eni ym Mhontrhydyfen ym mis Tachwedd 1925.

- 

Mae rhaglen ddogfen newydd sbon wedi'i chomisiynu i gyd-fynd â'r canmlwyddiant. Bydd y BBC hefyd yn dangos ffilm fywgraffyddol am ei fywyd cynnar, Mr Burton, a dderbyniodd glod mawr, gyda Toby Jones a Harry Lawtey yn y prif rannau.

Trawa'r rhaglen ddogfen, Richard Burton - Wild Genius (1 x 60) olwg newydd ar fab glöwr o Gymru a ddaeth, er gwaethaf pob rhwystr, yn un o actorion gorau ei genhedlaeth. Gan ei ddilyn ar ei daith ryfeddol o dlodi a cholled tuag at glod ac enwogrwydd anhygoel, ac ymchwilio i'w fywyd personol cythryblus a fyddai'n taro swyn ar y byd - gan gynnwys ei berthynas â'i gyd-seren Elizabeth Taylor a'u dwy briodas - i'w alcoholiaeth parhaol.

Gydag ymddangosiadau gan rai o deulu Burton, gan gynnwys cyfweliadau gyda'i weddw Sally Burton a'i ferch Kate Burton, cafodd y cynhyrchiad ganiatad i ddefnyddio ffilmiau cartref preifat, lluniau a llythyrau, gyda rhai ohonynt yn cael eu darlledu am y tro cyntaf erioed.

Mae'r rhaglen ddogfen hefyd wedi cael mynediad unigryw at ddyddiaduron personol Richard Burton, a ddarllenir gan yr actor Cymreig Matthew Rhys, ochr yn ochr â chyfweliadau gan Michael Sheen, Iwan Rheon, Sian Phillips, Gabriel Byrne a Claire Bloom.