Argyfwng ariannol elusen yn achosi pryderon i deulu

AE teulu mewn gofid wedi lansio deiseb yn galw ar Lywodraeth Cymru i gamu i'r adwy ac achub elusen anabledd sy'n wynebu argyfwng ariannol.

- 

Yn y llun mae Mark a Laura Bugby gyda\'u mab John Bugby o\’r Bala. Llun gan Phil Blagg Photography

(Phil Blagg Photography)

Mae Laura a Mark Bugby o'r Bala, yn ofni am ofal eu mab sydd ag anabledd difrifol yn y dyfodol, John, os bydd Anheddau - sy'n cefnogi 140 o bobl ym mhob rhan o Wynedd, Conwy, Ynys Môn, Sir Ddinbych a Wrecsamyn cael ei orfodi i gau ei ddrysau.

Mae'r sefydliad, sydd wedi helpu pobl ag awtistiaeth, anableddau dysgu, cyflyrau iechyd meddwl ac anghenion cymhleth ers dros 35 mlynedd, yn brwydro yn erbyn costau cynyddol.

Datgelwyd ei fod yn wynebu diffyg o £400,000 oherwydd codiadau yn y Cyflog Byw Gwirioneddol a Chyfraniadau Yswiriant Gwladol Cyflogwyr - gan adael 400 o swyddi yn y fantol.

Yn ôl Anheddau, mae'n wynebu "ras yn erbyn amser" i sicrhau ariannu digonol a dywed y gallai gael ei orfodi i ystyried gwneud diswyddiadau ym mis Hydref oni bai bod awdurdodau lleol yn darparu pecyn cymorth i dalu am ei gostau ychwanegol.

Dywedodd Laura Bugby, sy'n gweithio i'r gwasanaeth deintyddol cymunedol, fod goroesiad Anheddau yn hanfodol i iechyd a hapusrwydd ei mab, a chanmolodd waith staff yr elusen.

Dywedodd: "Mae John wedi byw mewn tŷ gyda chefnogaeth Anheddau ers 11 mlynedd, a chyn hynny roedd yn byw gartref gyda ni nes ei fod yn 19 oed.

"Mae gan John anabledd dysgu difrifol ac mae ei dŷ yn cael ei ddarparu gan gymdeithas dai ac mae'n byw yno gyda dau breswylydd arall.

"Mae Anheddau yn darparu'r gefnogaeth 24 awr sydd ei hangen arno.

"Mae staff yr elusen yn gwneud yn siŵr ei fod yn cael ei fwydo, ac yn cael ei olchi, ac maen nhw'n darparu'r holl ofal personol ar ei gyfer.