‘படங்கள் மூலம் மக்களிடம் பக்தியை வளர்க்க வேண்டும்‘ - ‘சரத்குமார் பேச்சு

மகாபாரதம் தொடரை இயக்கிய முகேஷ் குமார் சிங் இயக்கத்தில், விஷ்ணு மஞ்சு நடிப்பில் பிரமாண்டமான பான் இந்தியா திரைப்படமாக உருவாகியுள்ள படம் 'கண்ணப்பா'. இதில் பிரபாஸ், மோகன்லால், சரத்குமார், டாக்டர்.மோகன் பாபு, அக்ஷய் குமார், காஜல் அகர்வால், ப்ரீத்தி முகுந்தன் உள்ளிட்ட பல முன்னணி நட்சத்திரங்கள் நடித்திருக்கிறார்கள்.

- 

தமிழ், தெலுங்கு, மலையாளம், கன்னடம், இந்தி ஆகிய மொழிகளில் இப்படம் வருகிற 27 ந் தேதி வெளிவருகிறது. இதையொட்டி படத்தின் இசை வெளியீட்டு நிகழ்ச்சி சென்னையில் நடந்தது/

இதில், நடிகர் சரத்குமார், படத்தொகுப்பாளர் ஆண்டனி, நடிகர் சம்பத் ராம் மற்றும் படத்தை தமிழகத்தில் வெளியிடும் சக்தி ஃபிலிம் பேக்டரி சக்திவேலன் ஆகியோர் கலந்துகொண்டு படம் பற்றிய தகவல்களை பகிர்ந்துக் கொண்டார்கள்.

நிகழ்ச்சியில் நடிகர் சரத்குமார் பேசுகையில் கூறியதாவது:- “63 நாயன்மார்களில் ஒருவரான கண்ணப்ப நாயனாரின் வாழ்க்கைக் கதையை மையப்படுத்தி உருவாகியுள்ள படம் இது. ஏற்கெனவே கன்னடத்தில் ராஜ்குமார், தெலுங்கில் கிருஷ்ணம் ராஜு இதே கதையில் நடித்திருக்கிறார்கள்.