80 பவுன் நகை, பணத்தை கள்ளக்காதலிக்கு கொடுத்ததால் எரித்துக் கொலை செய்தேன்

தொழிலாளி கொலையில் கைதான மனைவி பரபரப்பு வாக்குமூலம்

- 

நீ அழகாக இல்லை, அசிங்கமா இருக்கே என்று கூறி வந்ததாலும், 80 பவுன் நகை பணத்தை கள்ளக்காதலிக்கு கொடுத்ததால் பெட்ரோல் ஊற்றி தீ வைத்து எரித்துக் கொலை செய்ததாக தொழிலாளியை கொன்ற வழக்கில் கைதான மனைவி பரபரப்பு வாக்குமூலம் அளித்தார்.

கிருஷ்ணகிரி மாவட்டம் காவேரிப்பட்டிணம் அருகே உள்ள திம்மாபுரம் ஊராட்சி நேருபுரம் கிராமத்தை சேர்ந்தவர் ரங்கசாமி (வயது 47). கூலித் தொழிலாளி. இவரது மனைவி கவிதா (44). இவர் மாடுகளை வளர்த்து பால் வியாபாரம் செய்து வருகிறார். இவர்களுக்கு வைத்தீஸ்வரி, சாதிகா என்ற மகள்களும், சூர்யா என்ற மகனும் உள்ளனர். வைத்தீஸ்வரிக்கு திருமணம் ஆகி கணவர் வீட்டில் உள்ளார். சாதிகா கிருஷ்ணகிரியில் உள்ள கல்லூரியில் படித்து வருகிறார்.