குழந்தை திருமணக் கொடுமை வேண்டாம்...

பிஞ்சிலே பழுத்த கனி ருசிக்காது. குழந்தை பருவத்திலேயே குழந்தை பெறும் கொடுமை அத்தகையது. தமிழ்நாட்டில் கடந்த 2022 முதல் 2024 பிப்ரவரி வரை மூன்று ஆண்டுகளில் 7 ஆயிரத்துக்கும் அதிகமான குழந்தைத் திருமணங்கள் தடுத்து நிறுத்தப்பட்டு, அவற்றில் 2500க்கும் மேற்பட்ட குழந்தைத் திருமணங்களில் வழக்குப் பதிவு செய்யப்படுள்ளதாக சமூக நலத்துறையிடம் ஆர்.டி.ஐ. மூலம் பெறப்பட்ட தகவல்கள் தெரிவிக்கின்றன.

- 

ஆந்திர, கர்நாடக இரு மாநில எல்லையில் அமைந்துள்ள கிருஷ்ணகிரி மாவட்டத்தில், குக்கிராமங்களில், 18 வயது பூர்த்தியாகும் முன்பே, திருமணம் செய்து வைக்கும் நடைமுறை அதிகமாக உள்ளது.

மாவட்டத்தில் கடந்த 2021 - 22ல், 667 பேரும், 22 - 23ல், 345 பேரும், 23 - 24ல் ஆண்டில் 165 பேரும் என மொத்தம், 2,519 பேர் பதின்பருவத்தில் கர்ப்பமடைந்துள்ளனர். இதில் 80 சதவீதத்திற்கும் மேல், குழந்தை திருமணம் செய்து கொண்டவர்கள்.