ஐ.பி.எல்.2025: 2-வது இடம் பிடித்த பஞ்சாப்: உருக்கத்துடன் பதிவிட்ட பிரீத்தி ஜிந்தா

18-வது ஐ.பி.எல். தொடரில் பஞ்சாப் அணி இறுதிப்போட்டியில் தோல்வியடைந்தது. 18-வது ஐ.பி.எல். ஐ.பி.எல். தொடரில் அகமதாபாத்தில் உள்ள நரேந்திர மோடி ஸ்டேடியத்தில் நடந்த பரபரப்பான இறுதிப்போட்டியில் ராயல் சேலஞ்சர்ஸ் பெங்களூரு அணி 6 ரன் வித்தியாசத்தில் பஞ்சாப் கிங்சை தோற்கடித்து முதல் முறையாக சாம்பியன் பட்டத்தை தட்டிதூக்கியது.

- 

இதன் இறுதிப்போட்டியில் பெங்களூரு அணி நிர்ணயித்த 191 ரன் இலக்கை நோக்கி ஆடிய பஞ்சாப் கிங்ஸ் 184 ரன்னில் அடங்கியது. ஷசாங் சிங்கின் (61 ரன், 30 பந்து, 3 பவுண்டரி, 6 சிக்சர்) அதிரடி வீணானது. இதனால் பஞ்சாப் அணி முதல் கோப்பையை வெல்லும் வாய்ப்பு பறிபோனது. இருப்பினும் இந்த சீசனில் பஞ்சாப் அணி சிறப்பாக செயல்பட்டது. புள்ளி பட்டியலில் முதலிடத்தை பிடித்து அசத்தியது. அத்துடன் பல அன்கேட்டு வீரர்கள் அசத்தலாக செயல்பட்டனர்.