200 தொகுதிகளில் நிச்சயம் வெல்வோம் தமிழ்நாட்டை காவி கூட்டம் ஆள முடியாது

திருச்சி மாநாட்டில் முதல் அமைச்சர் மு.க. ஸ்டாலின் உரை

- 

திருச்சி: மாநில முதல்-அமைச்சர் மு.க.ஸ்டாலின் திரளான தொண்டர்கள் மத்தியில் பொதுக்கூட்டத்தில் உரையாற்றுகிறார்.

நடக்க இருக்கும் சட்டமன்ற தேர்தலில் 200 தொகுதிகளில் நிச்சயம் வெல்வோம். தமிழ்நாட்டை காவி கூட்டம் ஆள முடியாது, என திருச்சி மாநாட்டில் முதல் அமைச்சர் மு.க. ஸ்டாலின் உரையாற்றினார்.

திருச்சியை அடுத்த சிறுகனூரில் திமுகவின் 12வது மாநில மாநாடு நடைபெற்றது. திருச்சி மாநாட்டில் பங்கேற்றுள்ள லட்சக்கணக்கான திமுக தொண்டர்கள் முதலமைச்சர் மு.க. ஸ்டாலினுக்கு உற்சாக வரவேற்பு அளித்தனர்.

மாநாட்டு திடலில் அமைக்கப்பட்டுள்ள 110 அடி உயர கொடிக்கம்பத்தில் முதலமைச்சர் மு.க.ஸ்டாலின் திமுக கொடியை ஏற்றினார். மாநாட்டில் அமைக்கப்பட்டுள்ள நடைமேடையில் ரேம்ப் வாக் சென்றபடி முதலமைச்சர் மு.க. ஸ்டாலின் தொண்டர்களை சந்தித்தார்.