ஆளுனர், சூப்பர் முதல்வராக செயல்பட முடியாது

தமிழக ஆளுனரின் அனுமதிக்காக அனுப்பி வைக்கப்பட்ட மசோதாக்கள் தொடர்பான வழக்கின் விசாரணை உச்சநீதிமன்றத்தில் நடந்து வருகிறது. நேற்றைய விசாரணையின் போது, "ஆளுனர், சூப்பர் முதல்வராக செயல்பட முடியாது" என தமிழக அரசு சார்பில் வாதம் முன் வைக்கப்பட்டது.

- 

மசோதாக்களை உயிரற்றதாக்கும் அதிகாரம் கவர்னருக்கு இல்லை என்று சுப்ரீம் கோர்ட்டில் தமிழக அரசு வாதிட்டது.

மசோதாக்களுக்கு ஒப்புதல் அளிக்கும் விவகாரத்தில் கவர்னருக்கு உத்தரவிடக் கோரும் தமிழ்நாடு அரசின் ரிட் மனுவை சுப்ரீம் கோர்ட்டு விசாரித்து கடந்த ஏப்ரல் 8-ந்தேதி தீர்ப்பு கூறியது. அதில் கவர்னர்கள் அனுப்பி வைக்கும் மசோதாக்கள் மீது ஜனாதிபதி 3 மாதங்களுக்குள் முடிவு எடுக்க வேண்டும். இல்லாவிட்டால் அதை எதிர்த்து மாநில அரசுகள் சுப்ரீம் கோர்ட்டில் ரிட் மனு தாக்கல் செய்ய முடியும் என்றும் தெரிவித்திருந்தது.