அமெரிக்காவில் இறக்குமதியாகும் இந்திய பொருட்களுக்கு 50 சதவீதம் வரி

இந்தியாவுக்கு ஏற்கனவே 25 சதவீத வரியை அமெரிக்கா அறிவித்து இருந்தது. நேற்று கூடுதலாக 25 சதவீதம் வரி விதிக்கப்படுவதாக, மொத்தம் 50 சதவீதம் வரி அமலில் இருக்கும் என அமெரிக்க அதிபர் டிரம்ப் அறிவித்துள்ளார்

- 

அமெரிக்க அதிபராக இரண்டாவது முறையாக பொறுப்பேற்றதிலிருந்து டிரம்ப் அதிரடி அறிவிப்புகளை வெளியிட்டு வருகிறார். குறிப்பாக அமெரிக்க பொருட்கள் மீது மற்ற நாடுகள் எந்த அளவுக்கு வரி விதிக்கிறதோ, அதே அளவுக்கு அந்த நாட்டு பொருட்கள் மீது வரி விதிக்கப்போவதாக அவர் அறிவித்தார். அவரது இந்த அறிவிப்புக்கு பல நாடுகள் எதிர்ப்பு தெரிவித்தன.

ஆனாலும் அவர் தனது நிலைப்பாட்டை மாற்றவில்லை. கடந்த ஏப்ரல் 1-ந் தேதி, இந்தியா உள்பட பல நாடுகள் மீதான வரி விதிப்பை அறிவித்தார். பின்னர், அந்த நாடுகள் அமெரிக்காவுடன் வர்த்தக ஒப்பந்தம் செய்து கொள்வதற்கு கால அவகாசம் அளிக்கும் வகையில், ஜூலை 9-ந் தேதி வரை வரி விதிப்பை ஒத்திவைத்தார். இந்த கால அவகாசம், ஆகஸ்டு 1-ந் தேதி வரை ஒத்திவைக்கப்பட்டது.