2026 தேர்தலில் வெற்றி பெற்று, கழக தலைவரை முதல் அமைச்சராக அமர வைப்போம்

துணை முதல்வர் உதய நிதி பேச்சு

- 

2026 சட்டமன்ற தேர்தலில் நம்முடைய கழகத் தலைவரை முதலமைச்சராக அமரவைப்போம் என்ற உறுதிமொழியை ஏற்போம் என தமிழ்நாடு துணை முதலமைச்சர் உதயநிதி ஸ்டாலின் பேசினார்.

தமிழ்நாடு துணை முதலமைச்சர் திரு. உதயநிதி ஸ்டாலின் நேற்று நடந்த திமுக இளைஞரணியை சேர்ந்தவர்களின் இல்ல திருமண விழாவில் பேசியதாவது :-

நம்முடைய கழகத் தலைவர் அவர்கள் உயர்கல்வி வளர்ச்சியில் தமிழ்நாட்டிற்கு ஒரு புதிய வரலாற்றை எழுதிக் கொண்டிருகின்றார். அத்தகைய வரலாற்று பின்னணி கொண்ட நம்முடைய கழகத்திற்கு, கல்வித்துறையை சேர்ந்த இரண்டு அரசு ஊழியர்களை பெற்றோராகக் கொண்ட சுகன்யா தானாக விரும்பி கழகத்தில் தன்னை சேர்த்துக் கொண்டு ஆக வேண்டும் என்று விடாப்பிடியாக கழகத்தில் தன்னை இணைத்துக் கொண்டவர். அதிகம் படித்தவர். அவருடைய திருமண அழைப்பிதழை பார்த்தாலே தெரியும். மணமகனைவிட அதிகம் படித்திருக்கின்றார். ஒரு காலத்தில் ஆண்கள் மட்டும்தான் படிப்பதற்கான அந்த உரிமை இருந்தது. அப்போதெல்லாம் பெண்கள் படிப்பதற்கான உரிமை கிடையாது.