Sinulog contingents sa Carmen ug Dumanjug subsob ang preparasyon

Subsob na karon ang preparasyon sa duha ka contingents sa Probinsiya sa Sugbo nga mosalmot sa Sinulog Grand Parade karong tuiga.

- 

Ang mga lungsod sa Dumanjug ug Carmen parehong higpit ang pagpangandam sa ilang presentasyon gikan sa mastery sa sayaw sa mga performer ug pagandam sa props ug ubang logistics.

Sa Lungsod sa Carmen, ipakita sa contingent ang ilang sayaw kon giunsa sa kalasangan sa lungsod pagluwas ug pagpanalipod sa mga taga Carmen panahon sa kalamidad inubanan sa ilang lig-on nga pagtuo ug pag-ampo ngadto kang Señor Santo Niño.

Matud ni Tobi Villamor, tourism officer sa Carmen nga sukad pa niadtong bulan sa Nobiyembre sa niaging tuig sila nagsugod og practice.