Drug pusher nakigpusilay sa mga polis

Niresulta sa engkwentro ang gipahigayong buy-bust operation sa kapolisan sa Dalaguete Municipal Police Station batok sa usa ka high value individual ug kauban niini diha sa Barangay Mantalongon, Lungsod sa Dalaguete niadtong Lunes sa hapon.

- 

Naangol sa maong insidente si Allan Berame Piedad alyas "Wati", hingkod ang panuigon, taga Barangay Mantalongon sa maong lungsod ug nadakpan ang subject sa buybust operation nga si Johnbel Osorno Palconit alyas "Gwapo", 38-anyos, residente usab sa maong dapit.

Gikataho nga nipahigayon og buy-bust operation ang kapolisan sa lungsod batok sa mga suspetsado apan giingong nisukol kini ug nakigpinusilay sa mga polis.