Pagpangandam sa siguridad sa Sinulog 2026 gihingusgan

Padayon ang hugot nga pagpangandam alang sa umaabot nga Sinulog 2026 samtang gihingusgan sa kagamhanan sa Dakbayan sa Sugbo ang koordinasyon, mga lakang sa siguridad ug pagbutang sa mga pasilidad alang sa kalihokan subay sa mando ni Mayor Nestor Archival, Sr.

- 

Gilaoman nga moabot sa upat ngadto sa 5 milyones ka inidbidwal ang motambong sa maong relihiyosong kalihokan ug kultural.

Samtang sa siguridad niini, gipahibalo ni Konsehal Paul Labra II nga 3,000 ka security personnel ang ipakatap atol sa selebrasyon diin langkuban kini sa Philippine National Police, Armed Forces of the Philippines, Visayas Command, Philippine Coast Guard, mga nasudnong ahensiya sa siguridad ug civilian volunteer groups.

Tumong ni Archival nga pahugtan ang siguridad aron masiguro nga malinawon ug hapsay nga selebrasyon diin posibleng ang opisyales gikan sa kaulohan ang motambong niini.