Sobra P3M shabu nasakmit, upat ka tawo nangadakpan

Nadakpan kagahapon sa kadlawon, Sabado, Hulyo 12,2025 sa mga sakop sa City Drug Enforcement Unit sa Cebu City Police Office(CCPO) sa ilang buybust operation sa Doña Pepang Cemetery, Barangay Tejero, siyudad sa Sugbo ang duha ka mga high value individual sa kampanya kontra ilegal nga drugs.

- 

Ang nadakpan mao sila si Edwin Bellingan Tariga alyas Edwin, 54, taga Sitio Lawis, Barangay Tejero ug si Paul Orillo Sy alyas Puldo, 49, habal-habal driver, taga Sitio Rio 1, Barangay Lahug, Cebu City. Nasakmit sa mga operatiba ang 530 grams nga gituohang shabu nga nagkantidad og P3.6 million.

Sa impormasyon sa kapulisan, si Edwin matud pa ang tag-iya sa mga illegal nga drugas nga nasakmit samtang si Paul nagsilbing kabayo o tighatod. Usa ka buwan silang gi-monitor sa kapulisan ug giingong maka dispose ang mga suspect og 500 grams nga shabu kada semana sa Lapu-Lapu City ug Cebu City.