PB PABILING INDEPENDENTE UG DILI MAIMPLUWENSYAHAN

Gisaad ni bise gobernador Glenn Anthony Soco nga magpabilin nga independente nga institusyon gikan sa impluwensya ang Sangguniang Panlalawigan Sugbo isip legislative body sa paghatag og serbisyo niini ngadto sa mga Sugboanon.

- 

Ang ika-17 nga Sangguniang Panlalawigan sa Sugbo nagpahigayon og inaugural nga session niini didto sa bag-ong girenovate nga session hall sa legislative building sa kapitolyo kagahapon, kon diin pormal nga gipaila ug mitambong sa session ang 19 ka board members ug si Soco nga maoy presiding officer.

Ang mga bag-ong membro sa SP mao sila si Jojo Bacaltos ug Lakambini Neneth Reluya (1st district); Stanley Caminero ug Raymond Joseph Calderon (2nd district); Julius Anthony Corominas ug Dason Lorenz Lagon (3rd district); Kerrie Keanne Shimura ug Nelson Mondigo (4th district); Michael Villamor ug Andrei "Red" Duterte (5th district); Dason Larenz Lagon ug Alred Ouano (6th district); Malcom Sanchez ug Nilo Seno (Lone District sa Mandaue); Cesar Baricuatro ug Paz Rozgoni (7th district).