Saludo kong Governor Pam!

Pagkanindot kay pagahinan na ni Cebu Governor Pam Baricuatro og tag P5 million ang 12 ka district hospitals ug ang upat ka provincial hospitals sa probinsya sa Sugbo.

- Rene U. Borromeo

Sigurado ko nga pasiuna pa lang ni nga dugang budget gikan sa Kapitolyo nga itugyan sa maong mga ospital sa tumong nga maayo na ang pagserbisyo ngadto sa mga makasinati og mga sakit diha sa probinsya.

Sa ingon nga paagi, dili na unya daghan ang mga pasyente nga gikan sa probinsya nga dad-on diha sa Don Vicente Sotto Memorial Medical Center.

Unsaon, atol sa termino ni Gwen Garcia kaniadto, sige lang pasiatab nga ang Cebu Province maoy labing dato sa tanang mga probinsya sa nasud, apan wa makahatag sa panginahanglan sa mga district ug provincial hospital.